Hoxe podes celebrar o Dia do Libro coas propostas que o Concello de Ferrol preparou para esta importante xornada. A sección de Cultura do proxecto municipal “Actividades na casa” convídanos a seguir a partir das 18 horas a tradicional lectura continuada do Quijote do Círculo de Bellas Artes, que este ano será virtual coas grabacións dos participantes. O poeta Joan Margarit, Premio Cervantes 2019, será o encargado de inaugurar a lectura.

📖O Concello tamén lembra a iniciativa posta en marcha polo Colectivo de Narración Oral Galega, na que se narran historias para todos os públicos, e comparte o enlace para descargar un cómic sobre o paso de García Lorca por Nueva York.

✒️Na sección de Educación xa está dispoñible a exposición virtual sobre Juan Farias, escritor ferrolán a quen precisamente fai hoxe 10 anos homenaxeou o Concello de Ferrol na celebración da Feira do Libro no Cantón.

🏣Ademais, a Biblioteca municipal comparte unha selección de recursos web nos que poder descargar de forma gratuíta e legal libros electrónicos, así como ligazóns a diferentes opcións de contacontos.